Ва ўспамін св. Агаты на Астравеччыне сустрэлі копіі цудадзейных абразоў Маці Божай
5 лютага, ва ўспамін святой Агаты, панны і мучаніцы, у астравецкую парафію святых Космы і Дам’яна прыбылі з бярозаўскага касцёла Спаслання Святога Духа копіі цудадзейных абразоў Маці Божай з санктуарыяў нашай краіны.
Астравецкія вернікі з сем’ямі з вялікай пашанай і ўрачыстым спевам сустрэлі ў працэсіі нябесную Матулю ў святых выявах. Святую Імшу ўзначаліў айцец Станіслаў Станеўскі CSsR, які з’яўляецца духоўным кіраўніком перэгрынацыі абразоў. Звяртаючыся да вернікаў, святар пажадаў усім прысутным, каб Марыя прынесла супакой у кожнае сэрца і сям’ю.
Людзі прыходзілі, стоячы на каленях – маліліся, дзякавалі за магчымасць наведаць у сваёй парафіі адначасова ўсе санктуарыі, звярнуцца да Пана праз заступніцтва Маці Божай перад кожным з гэтых абразоў.
Копіі абразоў прабудуць у Астраўцы да 12 лютага, затым у гэты дзень а 13-й гадзіне іх сустрэнуць вернікі варнянскай парафіі святога Юрыя, дзе яны застануца да 19 лютага.
Паводле: grodnensis.by
Фота: Віктар Ведзень
Меткі: кс. Уладзіслаў Завальнюк, Маці Божая, Фота - Віктар Ведзень