Аплаткавая сустрэча для ўдзельнікаў касцёльных рухаў прайшла ў Мінску
16 снежня ў мінскім касцёле св. Сымона і св. Алены з удзелам біскупа Юрыя Касабуцкага прайшла аплаткавая сустрэча з прадстаўнікамі розных малітоўных груп і рэлігійных рухаў Мінска-Магілёўскай архідыяцэзіі.
У трэцюю нядзелю Адвэнту, якая ў літургіі Касцёла традыцыйна з’яўляецца «нядзеляй радасці», іерарх узначаліў цэлебрацыю св. Імшы. У прамоўленым Божым слове біскуп Юрый падкрэсліў ні з чым не параўнальную радасць чакання Збаўцы, які прыходзіць, каб нарадзіцца ў сэрцы кожнага чалавека.
Пасля св. Імшы адбылася сустрэча Генеральнага вікарыя Мінска-Магілёўскай архідыяцэзіі з прадстаўнікамі малітоўных груп і рэлігійных рухаў.
Дзелячыся з імі аплаткай, біскуп Юрый Касабуцкі пажадаў, каб іх трывалая малітва і ахвярнае служэнне спрыяла расапўсюджванню радасці Божага Валадарства сярод людзей.
Фота: Віктар Ведзень
Паводле catholic.by
Меткі: Аплатак, Адвэнт, Каляда, Парафія, бп. Юрый Касабуцкі